ن لیگ کا ثمر بلور کو قومی اسمبلی کا رکن بنانے کا فیصلہ

پاکستان مسلم لیگ (ن) نے پشاور سے پارٹی میں شامل ہونے والی ثمر بلور کو قومی اسمبلی کا رکن بنانے کا فیصلہ کر لیا ہے۔

وزیراعظم کے کوآرڈی نیٹر برائے اطلاعات و نشریات اختیار ولی نے تصدیق کرتے ہوئے کہا کہ ایک نشست ثمر بلور کو دی جائے گی جبکہ دوسری نشست ایم پی اے جمشید مہمند کی اہلیہ کو دی جائے گی۔

یاد رہے کہ پشاور کے معروف بلور خاندان سے تعلق رکھنے والی عوامی نیشنل پارٹی کی رہنما ثمر بلور نے حال ہی میں مسلم لیگ (ن) میں شمولیت اختیار کی تھی اور انہوں نے وزیراعظم شہباز شریف سے ملاقات کے دوران پارٹی میں شامل ہونے کا اعلان کیا تھا۔